खरड छाटणीतील महत्वाची कामे

द्राक्ष पिकात दोन वेळा छाटणी करावी लागते.पहिली छाटणी ही माल काढल्यानंतर केली जाते, तिला खरड छाटणी ( एप्रिल छाटणी ) असे म्हणतात,तर दुसरी छाटणी ही ऑक्टोंबर महिन्यात घड बाहेर निघण्याकरीता केली जाते,तिला फळ छाटणी किंवा गोडबार छाटणी म्हणतात.निर्यातक्षम द्राक्ष उत्पादन घेण्यासाठी द्राक्ष बागेची काळजी ही खरड छाटणीपासुन घेणे अति महत्वाचे असते. 

खरड छाटणी

* खरड छाटणीच्या १५-२० दिवस आगोदर २ ट्रक चांगले कुजलेले शेणखत व १०० ते १२० किलो स्फुरद ( दाणेदार) प्रति एकर द्यावेत.

* खुटावरील द्राक्षबागेस स्वमुळावरील द्राक्षबागेच्या तुलनेत ३-४ दिवस पाण्याचा ताण जादा द्यावा.

* रूट-स्टॉकवरील जुन्या द्राक्षबागेत फुटी एक सारख्या निघण्यासाठी हायड्रोजन साईनाईडचा (डॉरमेक्स,क्रिड्रार) वापर करावा.

*  छाटणीनंतर डोळे फुटण्याच्या अवस्थेत उड्द्या करीता कॉन्फीडोर १/२ मि.ली या प्रमाणात फवारणी घ्यावी.

* ५-६ पानांची अवस्था असतांना अशक्त, ड्ब्बलअसणा-या काड्या काढुन प्रत्येक स्क्वेअर फुटास एक काडी राखावी.

* छाटणीनंत्तर २५ दिवसांपर्यत नत्र व पाणी भरपुर द्यावे व वाढ करुन काडी जोमदार करुन घ्यावी.

* जोमदार वाढीच्या (५-६ पानांच्या) अवस्थेत वाढविरोधक म्हनुन फवारणी घ्यावी.

* बागेला आवश्यक असलेले पाणी उपलब्ध असलेतरच ९ पानांच्या अवस्थेत ६ ते ७ पानांवर सबकेन करावी अन्यथा सरळ काडी ठेवावी.

* ४० ते ५५ दिवसांच्या कालावधीत नत्र बंद करुन  पाण्याची मात्रा १/३ कमी करावी.

* ४५ ते ६० दिवसां  दरम्यानच्या काळात ५० किलो प्रति एकर पालाश ( SOP) द्यावे,यामुळे द्राक्षकाडी सशक्त होते.

* ५ पाने आणि १२ पाने या अवस्थेत ५० पी.पी.एम युरासिल संजीवकाची फवारणी घ्यावी.

* ४० ते ४५ दिवसांत १० पी.पी.एम ६-बीए ची फवारणी करावी.

* १५ पाने येताच किंवा काडी आडवी पडण्याच्या आत शेंड्याचे पिचींग करुन घ्यावे.

* ऑक्टोबर छाटणी पर्यत पाने टिकवण्यासाठी  १/२ % बोर्डॊंमिश्रण सुरुवात करुन पावसाळ्यात १% बोर्डॊ मिश्रणाची फवारणी करत राहावी.

खरड छाटणी पूर्व तयारी

द्राक्ष पिकाचा हंगाम मार्च अखेर संपुष्टात येतो.पुन्हा नवीन हंगामाच्या कामांची एप्रिल पासुन सुरुवात होते.एप्रिल छाटणीस खरड छाटणी असं ही संबोधतात.द्राक्ष पिकाचा दॄष्टीने हि छाटणी अत्यंत महत्वाची असते.कारण भविष्यात येणारा माल याच छाटणीत तयार होतो. म्हणुन हि छाटणी अत्यंत महत्वाची असते.

द्राक्ष माल काढणीनंतर १५ ते२५ दिवस वेलींना विश्रांती दिल्यानंतर योग्य मशागत करुन तसेच बोदावर वेलीच्या दोन्ही बाजुने २ ते ३ इंच चर घेउन एकरी दोन ट्रक सुकेशेणखत टाकावे, शेणखतावर २०० ते २५० किलो सुपरफॉसस्फेट दानेदार स्वरुपात टाकावे.मातीआड करुन बागेस भरपुर पाणी द्यावे.असे केल्याने द्राक्षाची सुप्त अवस्थेतील मुळी पुन्हा चालु होते. व आठ ते दहा दिवसांत कार्यरथ होते.वापसा येताच छाटणी करावी.छाटणी करतांना शक्यतो दोन डोळे राखुन छाटणी करावी.खते व पाणी व व्यवस्थापन करत असतांनाच १८-४६ किंवा २०-२०-० एकरी दोन गोणी तसेच जनरल मायक्रोन्युटीयन्ट्य़स स्फुरदयुक्त खतानंतर आठ ते दहा दिवसांनी द्यावे.

      जमिनीच्या प्रतवारीनुसार पाण्याचे नियोजन करावे. मुरमाड जमिनीतील बागेस तीन दिवसाच्या अंतराने २ ते   २II तास ड्रिपने पाणी द्यावे,यांमुळे योग्य वापसा टिकवून राहतो आणि चांगली कॅनोपी मिळण्यास मदत होते.छाटणी नंतर २५ ते ३० दिवसांनी १९-१९-१९  वॉटर सोल्युबल फर्टीलाझर एक गोणी चार वेळेस करुन ३ ते५ दिवसांच्या अंतराने द्यावी.युरीयाची मात्रा देउ नये कारण १८-४६ मधील आधिक १९-१९-१९ मधील नत्र पुरेसे होईल.यामुळे काडी एक सारखी होण्यास मदत होईल.

---